ЯАСЫН БОЛ ДОО ХӨӨ

Намар шиг
Нар эзгүйчлэх жавар шиг
Нулимс шиг
Намайг тойрсон сэтгэл шиг

Зул шиг
Зуурдын хорвоо шиг
Давс шиг
Дайраад өнгөрсөн хясал шиг ...

Улаанбаатар,
2013.09.18 Бүрэн эхээр нь...

ХУВААЛЦАМЗ

Шүлэг энэ тэр бичихгүй
Шог залуу болсон байна гэж бодуузай
Бодол энэ тэрээ хуваалцахгүй
Босс зантай болсон байна гэж гомдуузай

Бичиж л байгаа шүү, тархиндаа
Бичнэ ээ, би, цаасан дээр
Бодлоо өөрөө эхлээд цэгцлээд авъя
Болсон ханасан үед нь хуваалцамз ...

Улаанбаатар, 2013.08.28 Бүрэн эхээр нь...

БАРУУН БАЙДЛАГИЙН ГОЛ

Баруун Байдлагтаа очоод ирлээ
Бодол юугаа цэнэглээд ирлээ
Баян энэ хангайн амин судас болсон
Бага гэж басамгүй голоос нь балгачихаад ирлээ ...

Улаанбаатар
2013.06.02 Бүрэн эхээр нь...

ХААШАА ЮМ

Хайртай гэдэг үг чинь

Ханилья гэсэн санааг л илтгэдэг юм уу

Хайртай гэдэг үг чинь

Хүсэж байна гэсэн утгыг л тээдэг юм уу

Хайртай гэдэг үг чинь

Хүний хорвоод ганцхан юм уу

Хайртай гэдэг үг чинь

Хэлээд байж болдоггүй юм уу

Хүссэн хүсээгүй өдөртөө тааралдан

Хамт байгаа төөрөгт би хэлж болдоггүй юм уу

Хараад өнгөрөхөд хүртэл

Хүүхэд шиг баясгадаг хүнд би хэлж болдоггүй юм уу

Хүүхэмсэг заримын амнаас

Хуурамчаар гарсаар бусдыг хашраагаад

Хайр гэдэг үг ийм явцуу хүрээтэй болсон юм уу

Хайр хүрсэн үедээ хэлж ч болохоо больсон юм уу, хаашаа юм

Улаанбаатар,

2013.05.16

Бүрэн эхээр нь...

ДУРТАЙ БОЛСОН БАЙНА

Нүүрээ угаалаа
Нүдээ аньж таарч байна
Нүдээ нээлээ, таг харанхуй
Нүдээ аниад нээлээ, дахиад л харанхуй ...

Зүрх мүрх хаагдахыг анзааралгүй
Зуурдаар ингээд нөгөө ертөнц рүү явчихлаа гэж үү ...
Аз болоход тог л тасарсан байж
Амьд явах дуртай болсон байна, би дахиад ...

Улаанбаатар
2013.04.23

Бүрэн эхээр нь...

ЗҮҮД

Зүүдэллээ
Зүүдээ эхнэртээ ярьлаа
Хачин юм зүүдэлдэг юм гэнэ
Хачин биш бол тэр зүүд биш, бодол байх биз ...

Улаанбаатар,
2013.04.23 Бүрэн эхээр нь...

ЗҮҮДЭНДЭЭ СОНССОН ҮГ

Олон олон тэнгэр түшсэн
Онцгой онцгой итгэл хүлээсэн
Босоо босоо хийморь татсан
Бодол бодлын цэнэг хурсан

Улаанбаатар,
2013.04.19

Бүрэн эхээр нь...

УТГАГҮЙ

Архи уухгүй нь нэгэн бодлын утгагүй
Архи уух нь түмэн бодлын утгагүй

Улаанбаатар,
2013.04.19 Бүрэн эхээр нь...

ЯАГААД Ч ЮМ

Хүний төлөө хүнээс юм гуйчихдаг атлаа
Өөрийнхөө төлөө өрөөлөөс юм асуухдаа ичих юм

Улаанбаатар,
2013.04.13

Бүрэн эхээр нь...

ЧАДАХГҮЙ ЭЭ

Өчигдрийг мартан өнөөдрөөр сагаж
Өнгөнд шүтэн үнэнийг өнчрүүлж чадахгүй ээ
Маргаашийн төлөө өнөөдрийг үнэгүйдүүлж
Мөнгөний төлөө сэтгэлийг гээж бас чадахгүй ээ, би

Улаанбаатар,
2013.04.04 Бүрэн эхээр нь...

НЭГ САЙН ӨВТГӨЛӨӨ

Оюу толгойд зочлоод ирлээ
Олз омог ихтэй явлаа
Зуу зуун бодолд автлаа
Зүрхээ нэг сайн өвтгөлөө

Улаанбаатар,
2013.03.17 Бүрэн эхээр нь...

БАЯРЫН МЭНД ХҮРГЭЕ

Хүний хорвоогийн гэрэл гэгээ
Хүсэл мөрөөдлийн нэгэн утга
Эр хүний бурхан түшээ
Эмэгтэй хүн Танд баярын мэнд хүргэе!

Улаанбаатар,
2013.03.08 Бүрэн эхээр нь...

ОДОО МЭДНЭ

Хүүхэд насанд хүргэж өгдөг
Галт тэрэг хэрвээ байдаг бол
Хүн бүхэн сууна даа гэж
Хааяа би боддог юм ...

Хэрвээ байвал би ч бас сууна
Харин тэнд үлдэхгүй ээ
Хайрлаж чадалгүй гээсэн бүхнээ
Хамж аваад буцаад сууна

Уут дүүрэн шагайгаа
Ур сайтай монгол шатраа
Дөрвөн төгрөгний үзгээ
Дүүртэл тоо бодсон дэвтрээ

Баатарчуудын тэмдгээ
Булигаран сурагч цүнхээ
Чихрийн цаасны цуглуулгаа
Чиг сайтай чавхаа аваад гарна

Ээжийн гарын боорцогноос
Эрүү шалгасан хатуу ааруулнаас хармаалаад
Баавгай нэртэй нохойныхоо зургийг дараад
Буурал болоогүй аав, ээждээ үнсүүлээд ирнэ

Миний юм гээд харамлах биз
Миний бага нас
Уйлуулж, орилуулж байгаад ч
Учирлаж, ухааруулж байгаад ч гэсэн авна

Ямар үнэтэй эдийг мэдэлгүй
Явдал дундаа чи нэг, нэгээр нь гээнэ
Алив өгөөд аль
Арчиж, арчилж, хадгалж явъя би

Үр хүүхдэдээ үзүүлээд
Үлгэр домог шиг дурсамж яриад
Гэр дүүрэн шагай дэлгээд жишээ нь
Ганц нэгээр нь няслаж сууя би гэнэ

Өрөвч болохоор тэр Чука
Өгөх байх аа, надад
Хаяж би тэднийг гээхгүй
Харамсах үе ирдгийг одоо мэднэ

Улаанбаатар
2013.02.14  Бүрэн эхээр нь...

БҮТЭЭЛ

Ямар сайхан ном болоо вэ
Яаж Тан шиг бүтээл гаргах вэ гэж
Танил бүсгүй ярьж байна
Тэрүүхэндээ цагаахан атаархаж байна гэнэ ...

Үгүй дээ, бүсгүй минь
Үсэг, үг холбосон миний номхоны дэргэд
Эрүүл саруул хүүхэд төрүүлээд
Эр нөхрөө баярлуулж яваа чинь том бүтээл юм шүү

Тайлбарлаж чамд хэлэх гээд
Таван үг холбочихлоо
Үүнийг шүлэг гэж тоовол
Үндсэндээ чи бас бүтээчихлээ

Улаанбаатар
2013.02.13

Бүрэн эхээр нь...

УУЦ БА ӨВЧҮҮ

Ууц л гэнэ, өвчүү л гэнэ
Ууцлуулж, өвчлүүлтэл мал малласан мэт
Айлын хотноос мал худалдаж тавьчихаад
Ай, тарган сайхан онд орлоо гээд сууж байх юм

Өвөл, зунгүй арчилж мал болгочихоод
Өөх махыг нь тогтоочихоод
Хаврын эхний өдөртэй уралдан төхөөрөөд
Харж байна уу, тарган байна уу гээд сууж баймаарсан ...

Улаанбаатар
2013.02.13
Шинийн гурван

Бүрэн эхээр нь...