НЭГ САЙН ӨВТГӨЛӨӨ

Оюу толгойд зочлоод ирлээ
Олз омог ихтэй явлаа
Зуу зуун бодолд автлаа
Зүрхээ нэг сайн өвтгөлөө

Улаанбаатар,
2013.03.17 Бүрэн эхээр нь...

БАЯРЫН МЭНД ХҮРГЭЕ

Хүний хорвоогийн гэрэл гэгээ
Хүсэл мөрөөдлийн нэгэн утга
Эр хүний бурхан түшээ
Эмэгтэй хүн Танд баярын мэнд хүргэе!

Улаанбаатар,
2013.03.08 Бүрэн эхээр нь...

ОДОО МЭДНЭ

Хүүхэд насанд хүргэж өгдөг
Галт тэрэг хэрвээ байдаг бол
Хүн бүхэн сууна даа гэж
Хааяа би боддог юм ...

Хэрвээ байвал би ч бас сууна
Харин тэнд үлдэхгүй ээ
Хайрлаж чадалгүй гээсэн бүхнээ
Хамж аваад буцаад сууна

Уут дүүрэн шагайгаа
Ур сайтай монгол шатраа
Дөрвөн төгрөгний үзгээ
Дүүртэл тоо бодсон дэвтрээ

Баатарчуудын тэмдгээ
Булигаран сурагч цүнхээ
Чихрийн цаасны цуглуулгаа
Чиг сайтай чавхаа аваад гарна

Ээжийн гарын боорцогноос
Эрүү шалгасан хатуу ааруулнаас хармаалаад
Баавгай нэртэй нохойныхоо зургийг дараад
Буурал болоогүй аав, ээждээ үнсүүлээд ирнэ

Миний юм гээд харамлах биз
Миний бага нас
Уйлуулж, орилуулж байгаад ч
Учирлаж, ухааруулж байгаад ч гэсэн авна

Ямар үнэтэй эдийг мэдэлгүй
Явдал дундаа чи нэг, нэгээр нь гээнэ
Алив өгөөд аль
Арчиж, арчилж, хадгалж явъя би

Үр хүүхдэдээ үзүүлээд
Үлгэр домог шиг дурсамж яриад
Гэр дүүрэн шагай дэлгээд жишээ нь
Ганц нэгээр нь няслаж сууя би гэнэ

Өрөвч болохоор тэр Чука
Өгөх байх аа, надад
Хаяж би тэднийг гээхгүй
Харамсах үе ирдгийг одоо мэднэ

Улаанбаатар
2013.02.14  Бүрэн эхээр нь...

БҮТЭЭЛ

Ямар сайхан ном болоо вэ
Яаж Тан шиг бүтээл гаргах вэ гэж
Танил бүсгүй ярьж байна
Тэрүүхэндээ цагаахан атаархаж байна гэнэ ...

Үгүй дээ, бүсгүй минь
Үсэг, үг холбосон миний номхоны дэргэд
Эрүүл саруул хүүхэд төрүүлээд
Эр нөхрөө баярлуулж яваа чинь том бүтээл юм шүү

Тайлбарлаж чамд хэлэх гээд
Таван үг холбочихлоо
Үүнийг шүлэг гэж тоовол
Үндсэндээ чи бас бүтээчихлээ

Улаанбаатар
2013.02.13

Бүрэн эхээр нь...

УУЦ БА ӨВЧҮҮ

Ууц л гэнэ, өвчүү л гэнэ
Ууцлуулж, өвчлүүлтэл мал малласан мэт
Айлын хотноос мал худалдаж тавьчихаад
Ай, тарган сайхан онд орлоо гээд сууж байх юм

Өвөл, зунгүй арчилж мал болгочихоод
Өөх махыг нь тогтоочихоод
Хаврын эхний өдөртэй уралдан төхөөрөөд
Харж байна уу, тарган байна уу гээд сууж баймаарсан ...

Улаанбаатар
2013.02.13
Шинийн гурван

Бүрэн эхээр нь...

АГНАЖ ЯВАХААС

Амьтны амь тасалж болохгүй жил гэж
Айлдсан байна гэнэ, зурхайн номонд
Аймаар сонсогдож байна шүү
Айнгаа залбирангаа агнаж явахаас ...

Улаанбаатар
2013.02.13

Бүрэн эхээр нь...

МЭНДЧИЛГЭЭ

Намайг мэдэх хүн бүрт зориулав

Гэрлийн хурдаар эргэх цагийн хүрд
Гэнэдэж ямар зогсох биш дээ
Хүссэн хүсээгүй нас нэмсээр
Хүрээд ирлээ дээ, дахиад нэгэн хавар ...

Насны ялгааг үл тоон нөхөрлөж
Нэгэн цаг үед амьдарч яваа Та бүхэндээ
Сар шинийн мэндийг хүргэн мэндчилж
Сайн, сайхан бүхнийг хүсэн ерөөе !


Улаанбаатар
2013.02.10 Битүүний өдөр



Бүрэн эхээр нь...

МИНИЙ БУРУУ

Живой или неживой нь мэдэгдэхгүй
Жил шахам алга болчихжээ, миний буруу
Бодол юугаа хурцланхан
Блогоо үргэлжлүүлээгүй байна, миний буруу

Дэвэн дэлхийгээр тэнэж яваад
Дөч хүрчихэж, миний буруу
Андынхаа үгэнд ороод
Анхныхаа номыг хэвлүүлчихлээ, миний буруу

Улаанбаатар
2013.01.24 


Бүрэн эхээр нь...

ШИЙДВЭР

Бодоод бодоод
Бодын шийр дөрөв гэдэг шиг
Сайтар эргэцүүлэн бодсоны эцэст
Сонин гэж хүн хэлэхээр шийдвэр гаргав, би

"Хугацаат" албаа дуусгалгүй
Хүний биш өөрийн хүслээр
Эл албаа хүлээлгэн өгөөд
Эх нутагтаа буцахаар шийдэв

Хийх ажлаасаа халширсангүй
Хамт олноосоо зугтсангүй
Эхнэрээ дэмжин хамт байх гэсэн юм
Энгийн мөртөө ийм л ганц шалтгааныг хэлье

Олоод хэл гэвэл
Олон шалтгаан байна
Тэр бүгдийг энд тоочиж
Тэнэгээрээ дуудуулаад юу гэхэв

Ямартаа ч харихаар шийдэв
Яаранхан, өдөр хоногийг тоолонхон сууна ...


Вашингтон хот
2012.03.19 Бүрэн эхээр нь...

ХАНЬДАА

Алаг зүрхний минь хайрын эзэн
Амьдралын минь ухаант түшиг
Айл гэрийн минь халамжит ээж
Алаг нүдэн сайхан бүсгүй минь ээ

Хүсэл тачаалын минь тансаг орон
Хөврөх насны минь утга учир
Хувь тавилангийн минь амин холбоо
Хүний төрхт амьд бурхан минь ээ

Төрсөн өдрөөр чинь хамт байж чадаагүй ч баярын мэндийг зүрхнийхээ угаас дэвшүүлж,
бүх газарт чинь дахин дахин үнссэн гэж тооцоорой.


Вашингтон хот
2012.02.14
Гэгээн хайрын өдөр Бүрэн эхээр нь...

ТӨРСӨН ӨДӨР

Үхэх, төрөхийн завсар
Үнэн, худлын дунд
Гуниг, жаргалын солионд
Гучин ес насалжээ

Ээж минь амьд байсан бол нэг цэцэг бариад очихсон доо ...

Вашингтон хот, 2012.01.24 Бүрэн эхээр нь...

НЭГЭН ШИНЭ ОН

Нэгэн он солигдож
Нас нэгээр нэмэгдэв
Нөхөддөө ч мэнд дэвшүүлэлгүй
Нэгийг бодогдуулан өдийг хүрэв

Намайг мэдэх хүн бүрт шинэ оны мэндийг хоцроод ч атугай дэвшүүлье. Хүлээн авна уу.

Вашингтон хот, 2012.01.06 Бүрэн эхээр нь...

СОНГО

Тэвч, тэмц, амьдар
Тэгэж үл чадваас үх
Үр хүүхэд, үргэлжлэлээ бод
Үлгэн салган бүү алх

Вашингтон, 2011.08.22 Бүрэн эхээр нь...

НЭГЭН ЖИЛ

Нэрийг нь сонссон ч хөл тавьж байгаагүй
Нэгдсэн Улсад ирсээр нэгэн жил өнгөрчээ
Төрсөн нутгаа санан бэтгэрсэн хэдий ч
Төрдөө өргөсөн тангарагаа бодон тэвчжээ

Үүрээс үдэш хүрэхийн адил хурдан өнгөрсөн ч
Үзсэн харсан, сурсан бүтээсэн зүйл арвин байжээ
Эрүүл саруул, ухаантай, ухамсартай байж
Энэ албаа нэр төртэй залгуулж байгаад буцна даа ...

Вашингтон хот
2011.07.29 Бүрэн эхээр нь...

ГАЛУУ БИД ХОЁР

Гүүрэн дээр алхаж явна
Голоор нь биш захаар нь, мэдээж
Тэр голоор нь машин унаа явах учир
Тэнд алхвал хэрэг тарих биз ...

Хар галуу нисэж явна
Баруунаас зүүн тал руу
Хаашаа явахаа мэдэж байх шиг
Булхиагүй, нэгэн зүгт нисэж байна

Энэ нөхөр юунд зорин
Эрчтэйхэн нисэж явна вэ
Ингэхэд би ч гэсэн хаашаагаа
Ингэтлээ хөлрөн алхана вэ ...

Бодоод байх юу байх вэ
Бор ходоодоо тэжээх гэсэн хоёр л байна
Нэг нь загас, жараахай руу дэвэж
Нөгөө нь ажил руугаа тэмүүлж яваа нь энэ ...


Вашингтон хот, Арлингтон хотыг холбосон Key Bridge
2011.07.27
Бүрэн эхээр нь...