ХИЙХ ЮМ ЗӨНДӨӨ

Москвагаас галт тэргээр буцахад
Монгол хүртэл тав хонодог байхад
Архи уусан ах нар харин
Арай цөөн хоноод ирдэг гэдэг байлаа

Галт тэрэг хурдлуулна аа гээд
Галзуу мэт уудаг байж билээ
Нааж тасраад нэмээд сэрэхэд нь
Наушки ирчихсэн байдаг гэдэг

Хоёр хоноод хил дээр ирлээ
Хол газар биш шүү гэдэгсэн
Архи ер нь шидтэй эд л дээ
Амьдралыг ч бас богиносгоно

Уухаа болиод ирэхээр
Ухаан санаа эрүүлжээд
Хийх юм зөндөө
Хэрэгтэй хугацаа ч хангалттай ...

Улаанбаатар, 2009.05.18