ИЛҮҮ ХӨДӨЛГӨӨН

Дэнгийн гэрэлд харсан чинь
Дэгжин маягийн хүүхэн байна
Дэргэд нь очоод харсан чинь
Дээрээ ч шүдгүй, доороо ч шүдгүй чавганц байна гэдэг шиг


Урд нэг бүсгүй алхана
Улаан даашинз намируулан
Тааз юугаа ганхуулаад
Так так хийн алхана

Үс гэзэг нь буржийгаад
Үнэртэй ус ханхлуулаад
Бодол санаа замхруулаад
Бүсгүй хүн ихэмсэг алхана

Урд нь ороод эргэж хармаар
Уруул хөмсөгийг нь ажмаар
Царай зүсийг нь сонирхмоор
Цагаахан сонирхол төрлөө дөө

Гүйцлээ дээ
Гүйлгээд нэг харлаа даа
Шал дэмий урд нь гарчихжээ
Шавар арслан алхаж байжээ

Зөрсөн хүмүүс нь
Зөнгөөрөө эргэж харахгүй байсан
Ийм л учиртай байж
Илүү хөдлөлгүй ард нь л явдаг байж ...

Улаанбаатар, 2009.05.19