ТАРВАГА

Нүдний үзүүрт юм хөдлөх шиг болов
Нүдний үзүүр рүү сайн харав
Тарвага паацагнаад гүйж явна
Томдоо орохоор гурван нөхөр нүхэндээ орж харагдана

Хөөрхий дөө, энэ гурав
Хөнжлийн ажил хийж яваа даа
Тал дүүргэхгүй ч гэлээ
Тарвагатай байлгах гээд хичээж яваа даа

Чи цаашаа гэхээр олон тарвагатай нутагсан
Чи хаана байна гэхээр цөөрч дээ, эд нар
Тугалын хашаа тойроод л хошгирдогсон
Тунаж одоо хэдхээн үлдэж дээ

Хүн амьтнаас даажаад
Хадтай, бартаатай уулын таг бараадан
Чоно шиг санаатай, туулай шиг хурдан
Чи бидний мэдэхгүй шахам амьтан болж дээ

Махны амт, арьсны сорлогоосоо болж
Монгол оронд тэр чигээрээ цөөрсөн дөө
Газар жирэлзүүлж байсан энэ амьтан
Ганц нэг л үзэгдэх болжээ, одоо ...

Сахьсан нүх болгоноосоо
Сайрхсан яриа бүхнээсээ
Намнасан тарвага бүхний өмнө
Наминчлан залбирч уучлал хүсье, би ...

Төв аймаг, Баяндэлгэр
2009.05.11